Blokkir

1. Setjið áfangann í ritham.
2. Skrunið neðst niður í leiðartrénu vinstra megin á skjánum og smellið á Bæta við blokk (notið skrunstikuna til að komast alveg niður). Gluggi opnast.
   

   Skruna þarf neðst niður í stikunni vinstra megin.

3. Finnið blokkina sem á að bæta við og smellið einu sinni á hana. 
   Nýja blokkin bætist við neðst hægra megin. Staðsetningu blokkarinnar er breytt með færa tákninu .

1. Setjið áfangann í ritham.
2. Smellið á litlu örina í efra hægra horni blokkarinnar og síðan á Eyða . . .
   

   Myndin sýnir blokkina „Leita í umræðum“.

Einnig er hægt að fela blokk. Það hentar t.d. ef blokkin á að vera ósýnileg nemendum tímabundið.

Mælt er með að fjarlægja blokkir sem ekki stendur til að nota í áfanga. Einfalt er að bæta aftur við blokk sem er eytt.

Upplýsingar um blokkir á moodle.org

Blokkir eru ekki nauðsynlegar til að áfangasíða virki og það fer eftir áfanganum hvort og hvaða blokkir henta.

Sum virkni í áfanga tengist þó ákveðnum blokkum og sé meiningin að notfæra sér einhverja slíka virkni þarf viðeigandi blokk að vera uppsett. Þetta á t.d. við þegar skráning vinnuskila er virkjuð í áfanga. Þá þarf að setja upp blokkina  Stöðu á vinnuskilum í áfanga. Sömuleiðis hentar að hafa blokkina Leita í umræðum ef umræður eru notaðar í áfanga, þó svo að umræðurnar virki vissulega án hennar. Eins og nafnið bendir til er sú blokk til að að leita í umræðum áfangans. Þar sem tilkynningar kennara flokkast sem umræða nýtist hún einnig til leitar í þeim. Blokkina er þó oftast óþarfi að hafa uppi ef umræður eru ekki notaðar.

Mælt er með að hafa ekki óþarfa blokkir í áfanga þar sem þær geta skapað misskilning hjá nemendum og dregið athygli þeirra frá því sem skiptir máli.

• HTML – Þessi blokk er tómur reitur sem kennari getur sett í það sem hentar t.d. tengla á mikilvæga vefi og námsgögn, mynd eða vídeó. Hægt er að setja upp mörg eintök af html blokk á áfangann. Ef html blokk er eytt eyðist um leið það sem kennari hefur sett í blokkina.
• Viðfangsefni – Blokkin flokkar efni áfangans og birtir hlekki í það. Hlekkurinn Verkefni sýnir öll verkefni áfangans á einum stað, hlekkurinn Aðföng allar möppur, skjöl, síður og slóðir o.s.frv. Þessi blokk hentar sérstaklega vel í efnismiklum áföngum og áföngum með vikuskipulagi.
• Staða á vinnuskilum í áfanga – Ef skráning vinnuskila er notuð í áfanga þarf að setja upp þessa blokk. Í blokkinni getur kennari kallað fram skýrslu yfir öll vinnuskil nemenda á einum stað. Nemendur geta með sömu blokk fengið yfirlit yfir eigin vinnuskil í áfanga (nánari upplýsingar um skráningu vinnuskila).