Stillingar notanda

Heimasvæði er sami tengill og stjórnborðið í stiklu og leiðir notandann á eigið svæði þar sem áfangar sem hann er skráður í koma fram ásamt upplýsingum í tengslum við þá. Notandi getur breytt uppsetningu á stjórnborði sínu sjá viðeigandi kafla.

Undir lýsingu koma fram upplýsingar um notandann. Aðrir notendur sem skráðir eru í sama áfanga geta kallað fram upplýsingarnar að undanskyldum nokkrum atriðum (sjá myndir til samanburðar).

 

Birtur er listi yfir áfanga sem notandi er skráður í.

Þegar nemandi smellir á tiltekinn áfanga birtast einkunnir sem hann hefur fengið í áfanganum.

Þegar kennari smellir á áfanga birtist   einkunnabók áfangans.

Notandi getur sent öðrum notanda skilaboð í gegnum skilaboðakerfi Moodle án þess að þeir séu skráðir í sama áfanga. Skilaboðin sendast einnig í tölvupósti ef móttakandinn er ekki innskráður í Moodle, svo framarlega sem hann hefur ekki breytt stillingum sínum fyrir tölvupóstsendingar úr kerfinu.

Leitað að notanda

Með því að smella á leita hnappinn er hægt að leita að notanda í kerfinu.

Senda skilaboð

Til að senda skilaboð er smellt á nafn viðkomandi, skilaboðin skráð og smellt á senda skilaboð.

Nýr tengiliður

Með því að búa til tengiliði er fljótlegra að senda viðkomandi skilaboð. Smellt er á + fyrir aftan nafn eða á nýr tengiliður.

 

 

Hér eru ýmsar upplýsingar um notandann sem hann getur uppfært t.d. netfang, sett in mynd af sér, skráð áhugamál, sett inn slóð á eigin vefsíðu, skype auðkenni o.fl. Heimilisfang og símanúmer eru ekki birt öðrum notendum.

Notandi getur breytt því á hvaða tungumáli kerfið birtist honum. Ef kennari hefur skilyrt að áfangi birtist á ákveðnu tungumáli eru þær stillingar yfirsterkari persónulegum stillingum notanda.

Hér er hægt að velja hvernig/hversu oft tölvupóstar berast frá Moodle vegna umræðu/umræðna sem notandinn er áskrifandi að. Hægt er að velja úr þremur stillingum (sjá mynd):

Hvers konar samantekt

• Enginn útdráttur (tölvupóstur sendur með hverju innleggi).
• Full (einn tölvupóstur sendur daglega með öllum innleggjum).
• Viðfangsefni (einn tölvupóstur á dag, einungis með viðfangsefnum).

Sjálfvirk áskrift að umræðu

• Já, þegar ég sendi innlegg vil ég sjálfvirkt gerast áskrifandi að viðkomandi umræðu – Þegar notandinn er áskrifandi að umræðu fær hann tölvupóst þegar einhver skráir innlegg í umræðuna.
• Nei, ég vil ekki sjálfvirka áskrift að umræðum – Notandi getur gerst áskrifandi að þeim umræðum sem hann óskar handvirkt (svo framarlega sem kennari hefur áskriftir virkjaðar í umræðu).

Fylgjast með lestri umræðna

• Nei: ekki halda skrá yfir innlegg sem ég hef lesið – Notandinn þarf að smella á umræðuna til að athuga hvort innlegg hafi bæst við.
• Já: auðkenndu ný innlegg – Aftan við tengil á umræðu kemur fram hve mörg innlegg hafa bæst við frá því að notandi skoðaði umræðuna síðast.

Notandi getur valið um tvo ritla í Moodle. Sjá nánar um ritilinn.

Stillingar varðandi tölvupóstssendingar úr Moodle til notanda vegna ýmis konar viðfanga og aðgerða.