Uppsetning áfanga

*Mælt er með að neðangreindri nafnareglu sé fylgt í Moodle Reykjavíkurborgar. Hún er til að einfalda yfirsýn við kerfisvinnu í Moodle og sparar okkur tíma.

Langt nafn áfanga
Í löngu nafni áfanga skal koma fram: heiti áfanga | árgangur eða bekkur | kennsluár | skóli.

Stutt nafn áfanga
Í stuttu nafni áfanga skal eftirfarandi koma fram: einkennisstafir skóla | heiti áfanga | árgangur eða bekkur | kennsluár

Sjá dæmi á mynd fyrir neðan.

Stutt nafn skal byrja á þremur einkennisstöfum skóla (sjá lista yfir einkennisstafi skóla).

Við flokk er valinn skóli eða skóli/námsgrein ef flokkar fyrir námsgreinar eru settir upp undir skóla.

Hér getur kennari falið áfangann t.d. á meðan unnið er í honum. Stillt er á fela og vistað neðst.  Muna þarf eftir að setja stillinguna aftur í sýna svo nemendur hafi aðgang að áfanganum.

Þegar áfangi er falinn sjá nemendur hann ekki í Moodle. Ef kennsla er byrjuð er mælt með að hafa áfanga sýnilegan. Kennari getur á einfaldan hátt falið þá hluta áfangasíðunnar sem unnið er í. Það er gert með því að setja áfanga í ritham og velja fela við einstök atriði, hluta eða viku.

Ef nemendur sjá ekki áfangann í Moodle er líklegt að það þurfi að gera hann sýnilegan í uppsetningu.

Ef áfangi er uppsettur m.v. vikur er nauðsynlegt að velja hér fyrsta dag fyrstu viku svo dagseningar vikna komi rétt út á forsíðu áfangans.

Dagsetning á upphafi áfanga ræður því einnig hvort áfanginn er birtur undir flipunum í gangi, væntanlegir eða eldri, á stjórnborði notenda.

Áríðandi er að stilla hvenær áfanga lýkur. Eftir að sú dagsetning er liðin sést áfanginn með áföngum sem er lokið á stjórnborðinu. Ef engin dagsetning er valin hangir áfanginn endalaust með áföngum í gangi hjá nemendum og kennurum.

Upplýsingar um áfangann. Textinn þarf að vera stuttur, ekki lengri en u.þ.b. 100 orð, og innihalda hvorki stórar myndir, vídeó eða hljóð. Ef nauðsynlegt er að hafa upplýsingar um áfangann lengri er einfalt að láta skrá fylgja með eða vísa með hlekk á nánari upplýsingar.

Samantekt áfanga er birt þar sem áfangar koma fram í lista í Moodle og þegar leitin er notuð.

Einungis er hægt að setja inn eina skrá. Ef .pdf skrá er hlaðið inn er ekki mögulegt að setja inn einkennismynd fyrir áfangann.

Mynd sem er sett inn hér birtist sem einkennismynd áfangans á stjórnborði.

Mögulegt er að hlaða upp .pdf skrá með upplýsingum um áfangann. Hún kemur fram þar sem áfangar Moodle eru skoðaðir saman í lista. Athugið að þeir sem ekki eru innritaðir í áfangann hafa aðgang á skránni.

Leyfilegar skráargerðir á Moodle fyrir grunnskóla eru .gif, .jpg, .png, .pdf.

Boðið er upp á nokkur snið fyrir áfanga. Snið áfanga stjórnar því hvernig reitirnir fyrir miðju áfangasíðunnar birtast:

• Fellireitir - Þetta snið hefur nokkra kosti:
  • Það er hægt er að fella saman reitina fyrir efnisþætti/vikur á áfangasíðunni, alla í einu eða einn og einn.
  • Þegar allar vikur (efnisþættir) eru felldar saman sjást einungis fyrirsagnir. Þannig má fá betri yfirsýn yfir áfangasíðuna.
  • Notandinn þarf ekki að skrolla eins mikið þegar leitað er að hutum.
  • Hægt er að velja um hvort birta á áfangasíðuna m.v. vikur eða efnisþætti (topic)
  • Hægt er að breyta litum t.d. fyrirsagna og bakgrunns.
  • Þegar fyrirsögn viku er breytt bætist fyrirsögnin framan við dagsetningar vikunnar.

Athugið að þegar sniðið fellireitir er valið koma upp fleiri stillingarmöguleikar. Við structure er valið hvort áfangasíðan miðast við vikur. Mælt er með að nota þetta snið sérstaklega ef áfangasíðan er efnismikil.

• Efnisþættir - Áfangasíðunni er skipt upp í reiti með fyrirsögnunum sem kennari skráir. Allir reitir eru birtir opnir þ.e. ekki er hægt að fella neitt saman. Ef áfangasíðan er efnismikil getur notandi þurft að skrolla mikið þegar leitað er að hlutum. Í þeim tilfellum er bent á að velja sniðið fellireiti.
• Vikulegt - Áfangasíðunni er skipt upp í reiti þar sem dagsetningar vikna verða sjálfkrafa fyrirsagnir. Allir reitir eru birtir opnir þ.e. ekki er hægt að fella neitt saman. Ef áfangasíðan er efnismikil getur notandi þurft að skrolla mikið þegar leitað er að hlutum. Í þeim tilfellum er bent á að velja sniðið fellireiti.
  Þegar fyrirsögn viku er breytt hverfa dagsetningar vikunnar.

Hér er valið í hve margar vikur eða efnisþætti áfangasíðan skiptist.

Einnig er hægt að fjölga eða fækka vikum, um eina í einu, neðst á forsíðu áfangans þegar farið er ritham.

Ef áfangasíðan á eingöngu að innihalda fá atriði t.d. 1-2 próf er best að setja fjölda hluta í 0 og staðsetja atriðin/prófin  í efsta hluta síðunnar.

Stillingin stjórnar því hvort faldir hlutar (vikur) eru alveg ósýnilegir nemendum eða textinn ekki aðgengilegt er birtur.

Hægt er að velja um hvort allar vikur (námsþættir) birtast á einni og sömu síðunni (áfangasíðunni) eða hvort hver vika fær sína síðu.

Ef valið er sýna einn hluta á hverri síðu birtist valseðill neðst á áfangasíðunni þar sem hægt er að velja tiltekna viku eða námsþátt.

Myndin sýnir valseðil sem er birtur neðst á áfangasíðunni þegar áfangasniðið "sýna einn hluta á hverri síðu" er valið.

Kennari getur skilyrt að áfanginn birtist ávallt á tilteknu tungumáli. Að skilyrða tungumál getur t.d. hentað vel í tungumálaáföngum.

Skráning vinnuskila veitir nemanda góða yfirsýn yfir þá vinnu sem áfangi krefst, hversu stórum hluta vinnunnar hann hefur lokið og hversu miklu er ólokið. Kennari fær aðgang að yfirlitsskýrslu yfir vinnu nemenda. Þessi stilling er aðeins einn þáttur í því að setja upp skráningu vinnuskila í áfanga.

Sjá nánari upplýsingar um skráningu vinnuskila.

Til hvers að nota hópastillingar í uppsetningu áfanga?

• Nemendur áfangans tilheyra fleiri en einum bekk. Kennari þarf að geta skoðað t.d. verkefnaskil hvers hóps sérstaklega og einkunnabók hvers hóps fyrir sig.
• Margir kennarar kenna í áfanganum og kennari vill geta skoðað verkefnaskil og einkunnabók þannig að nemendur annarra kennara komi ekki fram.

Hægt er að velja úr þremur valkostum

• Engir hópar er sjálfvalda stillingin fyrir áfanga og merkir að nemendur eru hluti af sama bekk/samfélagi. Stillingin kemur ekki í veg fyrir að hópar séu notaðir í áfanga í tengslum við umræður, verkefni eða annað. Hvert atriði fyrir sig býður upp á hópastillingar. Í flestum tilfellum á þessi stilling við.
• Aðskyldir hópar - Nemandi getur einungis séð meðlimi eigin hóps/hópa. Ef t.d. tveir bekkir nota sama áfangavef og eru með ólík verkefnaskil og vægi verkefna hentar að nota þessa stillingu. Þegar þessi stilling er notuð getur nemandi einnig séð hverjir eru með honum í hópi.
  Athugið að ef nemandi getur skoðað hverjir eru með honum í hópi getur hann einnig séð í hvaða öðrum hópum þeir nemendur eru. Þetta gæti orkað tvímælis hvað varðar persónuverndarlög t.d. ef nemandi er í hópi sem heitir "lengri próftími" eða annað álíka.
• Sýnilegir hópar - hver og einn vinnur í eigin hópi en getur einnig séð aðra hópa og hverjir eru meðlimir í þeim. Í sumum tilfellum gætu það verið viðkvæmar upplýsingar. Athugasemd að ofan á einnig við.

Stillingin gerir að verkum að sjálfvalda hópastillingin þegar atriði er stofnað verður sú sem vallin er fyrir áfangann.

Hvernig sér nemandi hverjir eru með honum í hópi?

Nánari upplýsingar um hópa á moodle.org