Bygging áfanga

Miðjudálkur áfanga skiptist upp í hluta (eða vikur). Hver hluti fær sjálfvirkt titil en t.d.  „Viðfangsefni/Hluti 1, Viðfangsefni/Hluti 2“ o.s.frv. Til að gefa hluta nýjan titil er farið svona að:

1. Setjið áfangann í ritham.
2. Smellið á pennann hægra megin við titilinn, sláið inn titil og styðið á enter hnapp lyklaborðsins til að vista.

Leiðin: Áfangi í ritham > Breyta > Auðkenna (Highlight)

Mögulegt er að auðkenna tiltekinn hluta áfanga t.d. þann hluta sem er til umfjöllunar hverju sinni.

1. Setjið áfangann í ritham.
2. Smellið á örina við Breyta, hægra megin við hlutann og á auðkenna. Ef notuð er vikuuppsetning í áfanga er núlíðandi vika auðkennd sjálfvirkt.

Þegar notuð er vikuuppsetning í áfanga verða dagsetningar vikna sjálfvirkt titlar á áfangasíðunni. Til að breyta dagsetningunum þarf að fara í uppsetningu áfangans. Svona er farið að:

1. Smellið á tannhjólið  ofarlega til hægri á áfangasíðunni og veljið uppsetningu.
2. Veljið fyrsta dag fyrstu viku þar sem stendur Áfangi hefst. Bæði er hægt að breyta í hverjum reit fyrir sig og/eða smella á dagatalið aftan við.

   

3. Vistið neðst á síðunni.
   

Ef valið er áfangasniðið fellireitir (collapsed topics) í uppsetningu áfanga er hægt að fella saman hluta síðunnar og opna einn og einn hluta í einu. Auðveldara er að færa atriði á milli hluta/vikna og að breyta röð hluta þegar fellireitir eru notaðir.

Með því að velja „week“ við „structure“ má setja fellireiti í vikusnið.

Margir möguleikar

Fellireitir bjóða upp á ýmsar undirstillingar t.d. breytingar á litum og táknum og uppsetningu m.v. vikur eða viðfangsefni (week eða topic við Structure).

Þó að uppsetning sé m.v. vikur er einnig hægt að bæta við titli viku. Það er gert með því að fara í ritham og nota pennamerkið aftan við vikuna.

Til að breyta uppröðun hluta er hluti dreginn á nýjan stað með því að nota örvakross (sjá mynd). Halda þarf músartakka niðri á meðan dregið er.

Einfaldara að færa til hluta eða vikur þegar áfangasniðið fellireitir er notað. Hlutar eru þá felldir saman áður en þeir eru dregnir á réttan stað.

Hægt er að fækka eða fjölga vikum/hlutum áfangasíðunnar með tvennum hætti, á áfangasíðunni í ritham og í uppsetningu áfangans.

Hlutum (vikum) fjölgað eða fækkað um einn í einu

1. Setjið áfangann í ritham.
2. Skrunið neðst á síðuna og notið plús- og mínusmerkin neðst hægra megin á síðunni.

   

Hlutum (vikum) fjölgað um marga í einu

1. Smellið á tannhjólið í efra hægra horni áfangasíðunnar og veljið Uppsetningu.
2. Skrunið niður að áfangasniði, veljið fjölda hluta (vikna) og vistið neðst á síðunni.

   

Oft er settur stuttur inngangur efst í viku eða hluta t.d. um viðfangsefni vikunnar. Þar er einnig hægt að setja mynd, vídeó eða annað sem ritillinn leyfir.

1. Setjið áfangann í ritham.
2. Smellið á Breyta hægra megin við viku/hluta og á Breyta hluta.
3. Skráið textann og/eða setjið myndina í ritilinn og vistið. 
   
   

Undirtitlar í vikum (eða námshlutum) geta gert viðmót áfanga skýrara og auðveldað notendum að skanna yfir efni þeirra. Þetta á sérstaklega við ef vika er efnismikil eða inniheldur efni sem er sitt af hvoru tagi. Undirtitill er settur í snepil. Snepill er notaður fyrir það sem þarf að birta beint á forsíðu áfanga.

Snepill búinn til

1. Setjið áfangann í ritham.
2. Smellið á +Nýtt viðfangsefni eða aðföng, veljið Snepil og smellið á Nýtt.
3. Skráið í snepilinn það sem við á og vistið.
4. Dragið snepilinn á viðeigandi stað.

Þegar notaðir eru sömu undirtitlar í hverri viku sparar tíma að afrita sneplana og draga á nýjan stað í stað þess að búa til nýja.

Mælt er með að setja ekki of mikið af texta eða öðru efni beint á áfangasíðuna. Betra er að setja texta í skjal eða á síðu sem eignast hlekk á áfangasíðunni. Áfangasíðuna ætti helst að skoða sem vel skipulagt efnisyfirlit áfanga.

Nánari leiðbeiningar um snepil.

1. Setjið áfangann í ritham.
2. Opnið glugga í tölvunni og finnið skrána.
3. Dragið skrána á viðeigandi stað á áfangasíðuna. Athugið að einungis er hægt að sleppa skránni neðst í viku/hluta en einfalt er að draga skrána á réttan stað innan vikunnar eftir á.
4. Ef skráin sem dregin var inn er mynd, spyr Moodle hvort birta eigi myndina á áfangasíðu eða sýna hana sem hlekk í skrá. Veljið það sem við á og smellið á sækja.
   

   Ef valið er að birta myndina á áfangasíðu býr Moodle sjálfkrafa til snepil og setur myndina í hann.

1. Setjið áfangann í ritham.
2. Smellið á Breyta aftan við atriðið og á færa til hægri.

Oft er hægt að gera uppsetningu áfangasíðunnar skýrari með því að setja lárétta línu á milli atriða til afmarka tiltekið efni viku eða hluta.

1. Setjið áfangann í ritham.
2. Smellið á +Nýtt viðfangsefni eða aðföng, skrunið neðst í glugganum og tvísmellið á Snepil.
3. Smellið á hnappinn fyrir lárétta línu og vistið. Einfalt er að afrita snepilinn með línunni til að fá fleiri línur.
   
   
   

Ef hnappurinn til að búa til lárétta línu er ekki í ritlinum er hægt að bjarga sér með því að nota html hnapp ritilsins. Kóðinn <hr> er sleginn inn í ritilinn og vistað.

Nánari leiðbeiningar um snepil.

Stundum reynist þörf á að fela atriði í áfanga t.d. verkefni, próf, möppu eða jafnvel heila viku eða hluta.

Atriði falið

1. Setjið áfangann Í ritham.
2. Smellið á Breyta aftan við atriði og á Fela (sjá mynd).
   

Vika (eða hluti) falin

1. Setjið áfangann Í ritham.
2. Smellið á Breyta í efra hægra horni viku/hluta og á Fela hluta.

Faldir hlutar eða vikur eru ýmist alveg ósýnilegir nemanda eða textinn „ekki aðgengilegt“ er birtur nemanda. Þetta fer eftir stillingu í uppsetingu áfangans.

*Athugið að einstök atriði bjóða einnig upp á aðgagnsstýringar út frá degi/tíma. Það er stillt í uppsetningu viðkomandi atriðis.

Að afrita getur sparað tíma. Hægt er að afrita snepla, möppur, verkefni, próf og annað sem sett er upp í áfanga. Ef kennari vill setja upp nokkur verkefni í áfanga er hægt að setja upp það fyrsta, afrita það síðan og breyta skiladögum afritanna. Þegar verkefni sem nemendur hafa skilað er afritað verður afritið án gagna eða skila frá nemendum.

1. Setjið áfangann Í ritham.
2. Smellið á Breyta aftan við viðkomandi atriði og veljið Afrita. Afritið birtist eftir örskamma stund neðan við. Það ber sama heiti og það sem var afritað.
3. Breytið heiti afritsins svo því sé ekki ruglað saman við fyrra verkefni eða það sem var afritað.
   Til að breyta heiti afritsins er smellt á pennamerkið aftan við, nýtt heiti slegið inn og smellt á „enter“ hnapp lyklaborðs.