Skráning vinnuskila

Leiðin: Áfangasíða > tannhjól > Uppsetning – Skráning vinnuskila

Fyrsta skrefið er að virkja skráningu vinnuskila í áfanga.

1. Opnið áfanga. Farið í tannhjól  í efra hægra horni áfangasíðunnar og smellið á uppsetningu í listanum.
2. Skrunið niður að skráningu vinnuskila, smellið á til að opna stillingarmöguleika og veljið já (sjá mynd).
3. Smellið á vista og birta neðst á síðunni.

Ef skráning vinnuskila kemur ekki fram þarf kerfisstjóri að virkja hana í Moodle.

Í hverju verkefni, prófi og öðru því sem nemandi skilar eða tekur þátt í þarf kennari að velja með hvaða hætti atriðinu telst vera lokið af hálfu nemanda. Sú stilling sem er sjálfvalin er að nemandi geti sjálfur merkt við hvort hann hefur lokið við atriðið. Það hentar  þegar nemandi á einungis að lesa eða kynna sér efni t.d. Ef sú er raunin þarf ekki að breyta stillingum í uppsetningu atriðis. Í öðrum tilfellum þarf að gera eftirfarandi.

Lok viðfangs skilgreind

Leiðin: Í ritham > Breyta > uppsetning (viðfangsefnis)

1. 1. Setjið áfanga í ritham (gert í tannhjóli áfangasíðunnar).
   2. Smellið á breyta aftan við atriðið og á uppsetning (sjá mynd).
      
   3. Skrunið niður að lokum viðfangs og veljið hvernig atriðinu/verkefninu telst vera lokið af hálfu nemanda (sjá mynd fyrir neðan). Það fer eftir því um hvers konar atriði er að ræða hvaða möguleikar eru í boði t.d. er hægt að stilla að prófi teljist lokið ef lágmarkseinkunn er náð en sá möguleiki er skiljanlega ekki til staðar ef um lesefni er að ræða. Ef krafist er lágmarkseinkunnar þarf að tilgreina hver hún er ofar í forminu undir einkunn.
      

      Á myndinni er verið að stilla með hvaða hætti skilaverkefni telst lokið. Þegar nemandi hefur uppfyllt skilyrðin birtsti verkefnið sem lokið bæði hjá honum sjálfum og í skýrslu kennarans vegna skráningu vinnuskila.

Atriði sem ekki eiga að koma fram í skráningu vinnuskila

Öll atriði áfangasíðunnar þ.m.t. allt sem uppsett er með snepli s.s. myndir, titlar, textaupplýsingar og annað birtast sjálfkrafa í skráningu vinnuskila. Ef atriði á ekki að koma fram í vinnuskilum þarf að velja undir lok viðfangs í uppsetningu atriðisins, ekki gefa til kynna skil á viðföngum (sjá mynd).

Þar sem sneplar koma sjálfkrafa fram í vinnuskilum gæti kennari viljað breyta stillingunni í uppsetningu þeirra.

Athugið! Áður en byrjað er á þessu skrefi er best að vefur áfanga sé tilbúinn þ.e. að efni, verkefni, próf og annað sem taka á fyrir sé þegar uppsett og búið að tilgreina með hvaða hætti hverju atriði telst lokið.

Leiðin: Áfangasíða > tannhjól > Vinnuskil í áfanga

1. Opnið áfangann, farið í tannhjólið í efra hægra horni og smellið á vinnuskil í áfanga.

   

2. Merkið við þau atriði sem eiga að koma fram í áfangaskýrslu.

   

3. Vistið breytingar neðst á síðunni.

Boðið er upp á ýmsa fleiri möguleika. Hægt er að kynna sér þá nánar á moodle.org

Atriði bætt við vinnuskýrslu eftir á

Ef bæta þarf atriði við eftir á þarf að smella á hnappinn opna fyrir möguleika á vinnuskilum . . .  (sjá mynd mynd fyrir neðan). Ef stillingum er breytt eftir að nemandi hefur skilað eða merkt við hjá sér að atriði sé lokið, þá eyðast upplýsingar um vinnuskilin úr skýrslu. Þetta gæti valdið ruglingi hjá nemanda, þar sem eitthvað er ólokið þó nemandi hafi lokið því. Með tilliti til þess er því æskilegt að virkja vinnuskilin eftir að allt er tilbúið í áfanganum. Breytingar eftir á hafa þó ekki áhrif á raunveruleg skil, þ.e. verkefni eða próf eyðast ekki.

Sjá nánari upplýsingar um course completion á moodle.org

Leiðin: Áfangi > í ritham > bæta við blokk > staða á vinnuskilum í áfanga

Setjið upp blokkina stöðu á vinnuskilum í áfanga. Blokkin birtir þær upplýsingar sem eiga við notandann sem skoðar. Kennari hefur því aðgang að annars konar upplýsingum í blokkinni en tiltekinn nemandi t.d.

1. Setjið áfangann í ritham.
2. Finnið og smellið á bæta við blokk neðst í leiðartrénu vinstra megin.
3. Smellið á stöðu á vinnuskilum í áfanga (neðarlega í listanum). Blokkina er hægt að draga á nýjan stað með færa tákninu.

Blokkin staða á vinnuskilum í áfanga eins og hún birtist nemanda. Nemandi kallar fram yfirlit yfir eigin skil með því að fara í nánari upplýsingar

Blokkin staða á vinnuskilum í áfanga eins og hún birtist kennara. Í blokkinni er tengill á áfangaskýrslu sem sýnir yfirlit yfir öll skil nemenda.