Nemandi með lengri/annan próftíma

Próf býður upp á að gefa tilteknum nemanda eða nemendum, sérstakan próftíma, annan en meginstillingar prófsins segja til um. Til að gera þetta þarf að setja upp frávik í prófinu.

Frávik býður upp á neðangreinda möguleika:

að gefa lengri próftíma.
að leyfa að próf sé tekið annan dag og/eða á öðrum tíma.
að leyfa að taka próf oftar eða sjaldnar en meginstillingar þess kveða á um.
að setja lykilorð á próf.
að framlengja próftíma eftir að nemandi hefur byrjað próftöku. Próftími nemanda uppfærist um leið.

Frávik fyrir einn nemanda

Leiðin: Prófið > tannhjól - Frávik notanda

Smellið á prófið á forsíðu áfangans.
Smellið á tannhjólið í hægra horni og veljið Frávik notanda.
Smellið á hnappinn Ný frávik vegna notanda.
Veljið nafn, hægt er að leita að nemanda með því að slá inn nafn í reitinn eða smella á litlu örina og velja nafnið úr listanum. Þegar nafn hefur verið valið sést það með bláum bakgrunni fyrir ofan reitinn.
Breytið stillingum eins og þörf krefur (sjá mynd fyrir neðan) og vistið. Athugið að þegar tímamörk eru aukin (sá tími sem nemandi fær í próftökuna) þarf að huga að því að tímabilið á milli opna próf - loka prófi rúmi tímamörkin.
Hægt er að búa til frávik fyrir einn og einn nemanda í einu eða setja nemendur í hóp og búa til frávik fyrir hópinn (sjá neðar).
Myndin sýnir uppsetningu fráviks notanda. Til að búa til frávik fyrir fleiri nemendur þarf annað hvort að setja upp frávik fyrir hvern og einn eða búa fyrst til hóp og búa svo til frávik fyrir hópinn.

Eftir að frávik hefur verið sett upp sést það þegar farið er aftur í frávik notanda eða hópa.

Myndin sýnir frávik sem hefur verið sett upp vegna prófs.

Frávik fyrir hóp nemenda

Stofna hóp

Byrjað er á að stofna hóp og setja þá nemendur í hópinn sem þurfa lengri próftíma. Athugið að setja aðeins þá sem eiga að fá jafn langan próftíma saman í hóp. Sjá nánar kaflann um hópa. Ekki þarf í þessu tilfelli að setja hópinn í klasa.

Frávik fyrir hóp

Leiðin: Prófið > tannhjólið > frávik vegna hópa

Smellið á prófið á forsíðu áfangans.
Smellið á tannhjólið hægra megin og veljið Frávik vegna hópa.
Smellið á Ný frávik vegna hóps. Form opnast.
Listi með hópum áfanga kemur upp þegar smellt er í reitinn efst í forminu. Veljið hóp.
Veljið stillingar eins og hentar og vistið. Athugið að þegar tímamörk eru aukin þarf að huga að því að tíminn á milli opna próf loka prófi rúmi tímamörkin.

Myndin sýnir uppsetningu fráviks í prófi fyrir hóp.