Verkferli og úthlutun námsmats

Til að nota verkferli námsmats í skilaverkefni þarf að byrja á að virkja það í uppsetningu verkefnisins. Velja þarf já við nota verkferli námsmats  undir liðnum einkunn (sjá mynd).

Stig námsmats skráð

1. Smellið á verkefnið á forsíðu áfangans.
2. Farið í skoða/meta öll verkefnaskil (fyrir miðju).
   
3. Merkið við þá nemendur sem á að skrá tiltekið stig námsmats hjá.
   
4. Veljið skrá stig námsmats í fellilista fyrir neðan nemendalistann og smellið á ok (sjá mynd). Ef upp kemur sprettigluggi er aftur smellt á ok.
   
5. Upp kemur listi yfir þá nemendur sem merkt var við. Í lista fyrir neðan nöfn nemenda er stig námsmats valið og breytingar vistaðar.
   Hægt er er að velja um:
   – Mat stendur yfir
   – Einkunnagjöf lokið
   – Í skoðun
   – Tilbúið til útgáfu
   – Útgefið.
   Nemendur sjá einungis einkunn ef valið er „útgefið“ og þá er einnig hægt að velja að senda tilkynningu til nemenda um að búið sé að gefa einkunn fyrir verkefnið, að öðrum kosti sjá nemendur eingöngu á hvaða stigi námsmatið er.

Virkja úthlutun námsmats

Til að nota úthlutun námsmats í skilaverkefni þarf að virkja það í uppsetningu verkefnisins undir liðnum einkunn (sjá mynd). Nauðsynlegt er að virkja fyrst verkferli námsmats fyrir ofan.

Námsmati úthlutað til kennara

1. Smellið á verkefnið á forsíðu áfangans.
2. Farið í skoða/meta öll verkefnaskil.
3. Merkið við viðkomandi nemendur. Ef verkefni er tengt við hópa er hægt að velja tiltekinn hóp nemenda efst á síðunni.
4. Í fellilista fyrir neðan nemendalistann er valið úthluta námsmati og smellt á ok. Ef upp kemur sprettigluggi er aftur smellt á ok.
5. Upp kemur síða með nöfnum þeirra nemenda sem valdir voru. Fyrir neðan nöfn nemenda þar sem stendur úthluta mati til er sá kennari valinn sem meta á verkefnin og smellt á ok.